O Festival Kerouac enche de poesía as rúas de Vigo

"Poesía, música, performance e accións poéticas en rúas e escenarios diversos, o Poemovil percorrendo a cidade lanzando poesía desde os seus altofalantes" ou a acción colectiva Poetry on Board que integra a poesía no barco que vai ás Illas Cíes. O Festival Internacional Kerouac acaba de dar a coñecer o programa da súa undécima edición, que se desenvolverá entre os vindeiros 8 e 10 de outubro na Cidade Olívica.

No cartel, a organización destaca presenza de Laura Sam, poeta e activista cultural, organizadora do Spoken Word Bilbao, que comparte proxecto musical con Juan Escribano. O músico e produtor vigués afincado en Madrid, Miguel Marcos, coñecido como Le Voyeur. Despois presenta no evento o seu último traballo Muerde aquel Verso con guitarra e voz. Tamén no campo musical, Jacobo Varela presenta o seu proxecto sonoro Ronroneo desde Compostela, a desenvolver o seu aspecto como crooner desde as bases do jazz.

Desde a Universidade de Vermont, o festival conta coa presenza da performer dixital Tina Escaja, tamén coñecida como Alma Pérez, mentres de México chega Iván Vergara, eixo e motor da Plataforma Placa. A salmantina Montse Villar completa o cartel de vates foráneos, que se completa cunha nutrida presenza de poetas de Vigo. Oriana Méndez, Graciela Baquero Ruibal, e o colectivo Desafiando Sombras, con Stella Maris, Alicia Savaxe, Lola Villar ou Nila Alvarez, amosarán unha panorámica dos versos que se desenvolven na cidade.

O MARCO, a Taberna do Náutico e mais o barco ás Cíes serán os escenarios nos que se desenvolverán os recitais e actividades dos tres días.