Onte presentouse o libro Andrés Fernández-Albalat arquitecto. Materiais de arquivo: obra coruñesa (1959-1999), editado polo concello da Coruña, e no que se recolle o legado arquitectónico deixado polo que é un dos arquitectos decisivos para comprender a cara visual actual da cidade da Coruña, a través dunha serie de edificios emblemáticos. O libro presenta unha sleección de obras, acompañadas de documentación e textos de profesores da Escola de Arquitectura da Coruña. "Albalat contribuíu desde múltiples lugares ao desenvolvemento da cultura arquitectónica do país e o seu legado construído na Coruña constitúe un valioso patrimonio colectivo", sinalan os editores, introducindo a modernidade arquitectónica na cidade respectando a tradición local.
