Os xardíns de Meirás abren ao público este sábado

A Vicepresidenta primeira do Goberno e ministra da Presidencia, Relacións coas Cortes e Memoria Democrática presidirá persoalmente a apertura dos xardíns do pazo de Meirás este sábado. Segundo avanza o xornal La Voz de Galicia ao acto asistirán tamén por parte do goberno central o secretario de Estado de Memoria Democrática, Fernando Martínez, e o delegado do Goberno en Galicia, José Miñones. Por parte do resto das administración implicadas na recuperación do Pazo asistirán o conselleiro de Cultura da Xunta, Román Rodríguez; o presidente da Deputación Provincial d'A Coruña, Valentín González Formoso; a alcaldesa d'A Coruña, Inés Rey; e o alcalde de Sada, Benito Portela.

Durante o acto previo á apertura ao público levaranse a cabo as sinaturas do protocolo xeral de coordinación temporal de actuacións entre a Administración Xeral do Estado e o resto das institucións. O devandito protocolo establece as obrigas e compromisos de cada unha das partes institucionais así como o papel do comité de expertos que conformarán a Comisión de Asesoramiento científico e técnico integrada por persoas expertas propostas por cada unha das administracións, e a creación dunha Comisión de Seguemento do propio protocolo.

Ao Concello de Sada corresponderá establecer as condicións de acceso dos xardíns que rodean o Pazo de Meirás de conformidade coas normas que rexen o acceso ao resto de zonas verdes do municipio. O concello deberá garantir a seguridade, conservación, mantemento e xestión paisaxística e ornamental dese espazo que agora se abre. A cobertura financeira e achega do Estado establecerase nun Convenio específico. As primeiras previsións situaran a apertura dos xardíns a finais do pasado mes de xaneiro pero finalmente as obras necesarias retrasaron a data ata agora.