Cultura licita a escavación e posta en valor da Torre da Pena

Tras as intervencións arqueolóxicas de 2017, a Consellería de Cultura publicou onte no DOG o procedemento de licitación para a "escavación, consolidación e acondicionamento do castelo da Pena", en Xinzo de Limia (Ourense). Esta torre medieval, que preserva un perfil característico no horizonte visible desde todo o val da Limia, vai ser obxecto de excavacións arqueolóxicas, consolidación da torre e da muralla que rodea a fortificación e que está, en gran medida, chea de maleza. As accións licitadas implican a restauración, escavación, sinalética e mesmo a realización dun documental.