turismocoruna.com
O Concello da Coruña acordou sacar a licitación o programa de escavación para poñer en valor os últimos descubrimentos achados na campaña de escavacións do castro de Elviña. A intención é dar prioridade á consolidación e restauración das estruturas arqueolóxicas exhumadas. O presuposto inicial co que sairán a concurso os traballos é de 824.777 euros. As novas obras programadas tamén incluirán a realización de tarefas de mantemento, conservación e restauración e ademáis, crearanse infraestruturas e servizos de acollida a visitantes.
Dende o Concello destacan que o novo plan “non só permitirá concluír traballos de escavación en áreas que se encontran actualmente abertas e a súa contextualización arqueolóxica, senón que tamén buscará afianzar o depósito como conxunto estrutural coherente e, polo tanto, atractivo para o público”.
