Cuberta do número 5 de Mazarelos.
A revista de historia Mazarelos fixo público o seu número 5, que desta volta conta cunha capa de Susana Suniaga. Entre os numerosos artigos, figuran textos como "A vangarda na poesía galega do século XX. Notas sobre algúns poemas de Cunqueiro e Pessoa", de Marcos Filgueiras Allegue, ou "Entre a devastación e a restauración. A diocese de Tui entre os séculos X e XII", de Carlos Quivén Sánchez. Loys Alcalde Dans recupera a memoria da súa avoa, a pintora María Antonia Dans, combinando os cadros da pintora coruñesa con poemas da súa creación.
