Ferrol abre a axenda das Feiras do Libro de Galicia 2021

A Federación de Librarías de Galicia fixo público o calendario de Feiras do Libro para este 2021. A iniciativa recupera tres citas a respecto de 2020 e celebrará 12 xeiras entre este mes de abril e o final de agosto. Ferrol abre este venres 23 a edición con seis postos e só dous días de programa. De xeito similar a 2020 as actividades quedan restrinxidas a sinaturas de libros, e non se celebrarán presentacións nin concertos.

Santiago de Compostela, entre o 8 e 17 de maio, O Porriño (27 a 30), Ourense (2 a 7 de xuño), Redondela (17 a 20), Vigo (1 a 10 de xullo), Ponteareas (15 a 18), Rianxo (22 a 25), A Coruña (1 a 10 de agosto), Viveiro (13 a 16) e Foz (19 a 22) completan a xira de librarías, para rematar en Monforte entre os días 25 e 28 de agosto.

De xeito paralelo, e da man e varias librarías e establecementos locais, Santiago de Compostela acolle este 24 de abril a I Festa do Libro e da Cultura. O Seminario Menor acolle esta iniciativa na que se mesturan libros, xogos, arte ou alimentación e que promove un programa que inclúe lecturas compartidas, contacontos, concertos, danza ou teatro entre outras propostas.