Un programa formativo de balde analiza a cultura galega e a emigración

A Fundación para o Desenvolvemento Humano e Social de Galicia (Fundehsga) presentaba este 7 de abril o programa formativo Cultura galega e emigración, que aborda "o mapeado cultural galego na emigración con todo o que este lles achegou tanto aos países de acollida como a Galicia". O proxecto está orientado fundamentalmente á galeguidade no exterior e aborda, mediante tres cursos "a Historia e Sociedade na Galicia da Diáspora; o Idioma e Escrita Galega na Diáspora; as Artes na Diáspora Galega; o Camiño e os camiños de Galicia no Mundo e mais a Galicia Diversa: Outras Realidades da Cultura Galega Actual".

A proposta conta co apoio da Secretaría Xeral da Emigración ou das tres universidades do país, así como de Universidade LiberQuaré e a Fundación Familias Mundi, iniciou este 5 de abril o seu primeiro curso, con 238 persoas participantes. En breve abrirá a inscrición no segundo dos ciclos formativos, que son totalmente de balde.