A Escola de Letras comezará en marzo o seu segundo curso

Este 22 de xaneiro a Deputación de Pontevedra e a Editorial Galaxia anunciaban a vindeira posta en marcha da segunda edición da Escola de Letras. O proxecto de formación literaria iniciará en marzo o novo curso, no que se desenvolverán seis obradoiros entre os meses de marzo e decembro. Como grande novidade, a organización adianta a incorporación de Anna R. Figueiredo e Elvira Ribeiro ao cadro docente.



O proxecto comezará con dous obradoiros literarios de Inma López Silva entre os meses de marzo e maio. En xuño Antonio García Teijeiro desenvolverá outro de poesía, e entre setembro e novembro, Anna R. Figueiredo explicará como escribir unha novela. Seguiranlle, entre outubro e novembro, Diego Giráldez e Elvira Ribeiro, quen rematará o proxecto cun obradoiro dedicado á poesía. As entidades responsables do curso adiantan tamén que haberá mais clases maxistrais dentro do programa. Como feche da edición xa rematada, publicarase un libro que recolle achegas do alumnado deste proxecto de formación.