Segundo explica a AAAG nun comunicado "a evolución epidemiolóxica, as restricións sanitarias ao respecto de mobilidade e aforos, as suspensións e adiamentos que alteraron a programación teatral de 2020 e que, presumiblemente, seguirán a afectar neste 2021 dificultan, por unha banda, que o censo de votantes dos galardóns poida acceder aos espectáculos estreados en 2020 para emitir o seu voto, e pola outra, imposibilitan a preparación dunha gala" que se desenvolve habitualmente en datas próximas ao 27 de marzo, DÃa Mundial do Teatro. A asociación sinala que traballará para realizar a convocatoria da xeira deste ano a atender á evolución da pandemia.
A Academia Galega do Audiovisual, no entanto, mantén a celebración dos XIX Premios Mestre Mateo. O web da entidade ten xa abertas as votacións para escoller as candidaturas finalistas a estes galardóns, que se darán a coñecer o vindeiro 1 de febreiro. Para o 27 de febreiro celebrarase a gala na que se proclamarán os gañadores. O Teatro Colón da Coruña acollerá este evento, que conducirán Tito Asorey e LucÃa Veiga e que contará con guión de Manolo Cortés.