Chega a Youtube Xan, webserie gañadora do Pitching de Carballo Interplay

A webserie Xan, que fora galardoada no Carballo Interplay de 2019 como un dos mellores proxectos neste formato, está xa a chegar a Youtube. A comedia que narra as aventuras dun millenial que ten o curioso superpoder de non dicir nada, ten xa na rede os seus tres primeiros episodios. A viguesa Lucía Estévez dirixe esta produción que se estreou na última edición de CIP, o pasado mes de novembro.

A produción ten un total de seis episodios, e está protagonizada por Miguel Canalejo, que tamén se encargou do guión. O proxecto ten unha nutrida nómina de colaboradores, como Irene Lorenzo, Monti Castiñeiras, Isabel Naveira, Sila Sicilia, Marta Doviro, Sheyla Fariña, Camila Bossa, Víctor Duplá, Xoán Fórneas, Santi Cuquejo, Lucía Regueiro, Sara Fandiño, Marta Cereixo, Areta Bolado, Manu Estévez, Daniel Currás, Covadonga Berdiñas, Guillermo Carbajo, María Roja, Cris Andrade, Alberto Fraga, Nacho Vere, Alicia Armenteros, Alejandro Jato ou María Vázquez.