O Consello da Cultura Galega avanza a súa programación para 2021

A presidenta do Consello da Cultura Galega avanzou este mércores a programación da institución para 2021. Fíxoo no marco das sesións informativas vinculadas ao proxecto de lei de orzamentos. Segundo Rosario Álvarez, o CCG acometerá diferentes liñas de traballo, como a vixencia da cultura galega medieval, os dereitos culturais e lingüísticos, a igualdade e a inclusión, a proxección exterior da cultura galega xunto co fomento da cultura científica, a creación e o pensamento contemporáneos así como a defensa do patrimonio material e inmaterial. O orzamento da institución para o próximo ano é de 2.782.982 euros, 25.919 euros máis que en 2020.