A Xunta presenta no Culturgal unha campaña para fomentar o consumo cultural

Avanza que os aforos culturais poderán incrementarse nos vindeiros días

O conselleiro de Cultura, Román Rodríguez, presentou hoxe á mañá no Culturgal a nova campaña do executivo autonómico para o fomento do consumo cultural, a coincidir coa campaña de Nadal. A campaña estará presente nas sete cidades galegas, en redes sociais e en plataformas como Spotify, e foi levada a cabo pola empresa pontevedresa OVO. A axencia coruñesa Nasas levará as redes sociais. Consta de cinco gráficas distintas para teatro, libro, música, danza e cine. O conselleiro avanzou tamén que "de manterse a actual evolución epidemiolóxica, as autoridades sanitarias prevén incrementar os aforos culturais nos próximos días".