O Correlingua enfócase nos centros de ensino ante a pandemia

Logo de ter que adiar a celebración da súa vixésima xeira a pasada primavera por mor da pandemia, o Correlingua acaba de presentar o seu programa. A se adaptar á actual situación sanitaria, a carreira polo galego transfórmase nun ciclo que achegará terá un total de dezaseis actuacións de nove artistas do país a unha ducia de centros escolares. O Pazo da Cultura de Narón abrirá este 5 de novembro a proposta, que contará coa presenza de Luís Caruncho, Cuarta Xusta, AldaoLado, Isabel Risco, Cé Orquestra Pantasma, A Gramola Gominola, Paco Nogueiras, Monoulius e Biribirlocke e que se desenvolverá baixo o lema Vinte coa lingua!. Os contidos desta iniciativa, organizada pola Asociación Socio-Pedagóxica Galega (AS-PG), A Mesa pola Normalización Lingüística e a CIG-Ensino, estarán tamén dispoñibles na rede.