Escena de Clausura do amor
Clausura do amor, un dos textos máis representados de Pascal Rambert, chega ao Teatro Principal de Compostela como coprodución entre a compañía Cámara Negra e o Centro Dramático Galego. Carlos Álvarez-Ossorio adaptou e dirixe a montaxe que conta con Teté García e Xosé Manuel Esperante sobre as táboas, a representar a historia dunha parella en plena ruptura sentimental. Segundo explica a presentación do proxecto, "os protagonistas intercambian monólogos que expresan a violencia dunha relación en proceso de defunción. Os dous intérpretes defenden unha posta en escena de resistencia física e emocional, encarando un texto visceral sobre o fin amor". A obra poderá verse desde este xoves 17 ao domingo 20 de setembro.
Promo CLAUSURA DO AMOR from Cámara Negra on Vimeo.
