O Iescha lembra a Manuel María cunha trintena de vídeos en liña

Unha trintena de persoas de diferentes ámbitos implicáronse ata o de agora na homenaxe que o Instituto de Estudos Chairegos (Iescha) está a lle facer a Manuel María por mor dos dezaseis anos do seu pasamento. Lois Diéguez, Carmen Cabaneiro, Baruk e Rosana Domínguez, Eduardo Pérez Baamonde, Mero, Martiño Maseda, Xosé Ramón Vázquez, Felipe Arias, Felipe Senén, María Xosé Lamas ou Darío Xohán Cabana son algúns dos nomes que responderon a esta iniciativa e gravaron cadanseu vídeo de lembranza. Segundo explica o Iescha as pezas responden a "distintos formatos: a música, o recitado, a debuxo, a pintura, o comentario, a loa..." e están a se publicar desde o pasado 8 de setembro na canle de Youtube do colectivo. O Iescha está aínda a recibir novas propostas para participar da homenaxe.