Falece O Ribeira de Louzarela, referente da improvisación oral galega

Acaba de falecer Antonio Río Montero, máis coñecido como O Ribeira de Louzarela, un dos últimos representantes do brindo tradicional do Courel. O Ribeira, nado en 1926 e iniciado moi cedo na arte da improvisación oral, levaba xa anos a ser recoñecido como un referente deste campo no noso país. aCentral Folque dedicáralle un dos volumes da súa colección Chave Mestra en 2019 e recibira diferentes homenaxes, que incluíron a inauguración dunha estatua coa súa efixie na aldea natal.