Roteiros da Cultura propón unha viaxe ao Ribadeo Indiano

Ribadeo é unha das vilas galegas cun casco histórico que preserva mellor as obras civís construídas polos emigrantes retornados desde finais do século XIX. Caseróns, escolas e outras edificacións dan conta non só das novas tendencias arquitectónicas, senón sobre todo do espírito do indiano, desexoso de facer visible a súa historia persoal. O noso web Roteiros da Cultura ofrece un novo paseo, desta volta seleccionando seis edificios de Ribadeo para coñecer mellor este auxe residencial de a cabalo entre dous séculos.