Aduana da Habana. Foto: Cátedra de Cultura Galega da Universidade da Habana
A Habana Vieja está chea de pegadas da emigración galega. Para este Nadal, o noso proxecto Roteiros propón o primeiro itinerario fóra de Galicia da súa colección: "Pra'Habana me vou". Elaborado por Arantxa Fernández Crespo, presidenta da Cátedra de Cultura Galega da Universidade da Habana, o itinerario propón 14 paradas vinculadas á chegada, traballos, negocios e as entidades colectivas dos galegos presentes na cidade. Partindo da Aduana, punto de chegada dos emigrantes a A Habana, o itinerario detense en cruceiros, comercios, cafés, xornais ou teatros, para rematar no espectacular Palacio do Centro Galego da Habana, rematado en 1915 e nacionalizado polo Goberno cubano trala revolución castrista. Están previstos outros roteiros para dar a coñecer outros emprazamentos galegos na cidade cubana.
