A compañía Talía Teatro estrea mañá, mércores 15 de xullo, ás 20 horas, en Cee o seu novo espectáculo Voa, voa!. O auditorio da Casa da Cultura de Cee acollera ese día e o e o xoves 16 ás 12 h, esta nova produción dirixida ao público infantil e familiar na que se proporá recuperar ditos, retrouso, sortes de dar,... e toda unha relación de ditos populares que perduraron xeración tras xeración e que se foron transmitindo de xeito oral. María Ordóñez e Toño Casais protagonizan a peza, escrita e dirixida por Artur Trillo coa que pretenden incentivar a xogar, pero sobre todo incentivar ás familias a furgar na súa memoria e recuperar e transmitir os seus xogos da infancia. Na sinopse da obra cóntase como todas as tardes despois de merendar Xoana baixa a xogar ao parque. Alí coincide con Anxo, un neno introvertido que prefire estar na casa vendo a tele. Pouco a pouco vai entrando nos xogos que lle propón Xoana, todos aqueles xogos que lle ensinou a súa avoa.
