Piden deter a demolición do cargadoiro de mineral de Rande

No estreito de Rande reúnense toda unha serie de elementos patrimoniais que fan que a Asociación Rande Patrimonio Europeo estea a tentar declaralo como "Selo de Patrimonio Europeo", unha declaración para "promover e preservar os bens culturais que desempeñan unha función esencial á hora de comprender a memoria e a historia europea". Agora, a asociación está a promover unha campaña de sinaturas en change.org para evitar a demolición do cargadoiro de ferro "Cotto Wagner", que é a "última das grandes infraestruturas construídas en Rande". Foi construído para dar saída ao mineral galego entre 1960 e 1965 e pechado nos anos 70 durante a crise enerxética. En setembro de 2019 o Porto de Vigo aprobou a demolición do cargadoiro e nestes momentos o procedemento atópase en estión administrativa. A asociación pide "o apoio da cidadanía para impedir a súa demolición e realizar propostas de conservación e posta en valor".