O Porto de Vigo aproba a demolición do cargadoiro de Mineral de Rande

O consello do Porto de Vigo aprobou iniciar o proceso para demoler o cargadoiro de mineral de Rande, a alegar o seu estado ruinoso e a existencia de amianto na estrutura. Este elemento de patrimonio industrial foi construído nos anos 60 e servía para embarcar ferro e carbón da empresa Minero Siderúrxica de Ponferrada. A alcaldesa de Redondela, concello en cuxos terreos está a instalación, denunciou que o cargadoiro está incluído no catálogo de patrimonio cultural da Xunta e reclamou a súa recuperación. O concello leva anos a reivindicar o legado industrial da Ría de Vigo e puxo en marcha o centro de interpretación Meirande nas proximidades do cargadoiro, ademais de reclamar un proxecto de restauración e posta en valor do conxunto.