Catálogos de fábricas na Ría de Vigo

O Patrimonio Industrial está a conseguir aos poucos recoñecementos no noso país. Recentemente atopamos na rede dous exemplos de iniciativas que recollen elementos deste tipo, en concreto arredor da Ría de Vigo. Así, no marco do proxecto Mar, traballo e patrimonio, do Concello de Redondela, pode descargarse unha guía que recolle os restos deste tipo que existen na contorna da enseada de San Simón. Por outra banda, a iniciativa Entremos na panificadora dispoñibiliza no seu web un mapa e fichas de elementos patrimoniais industriais localizados arredor da Ría de Vigo.