Publican mapas do patrimonio cultural en Lalín e Catoira

Estes días presentáronse dúas iniciativas de xeolocalización do patrimonio cultural de diferentes concellos galegos. Por unha banda, o concello de Lalín promoveu a xeolocalización dos elementos do patrimonio cultural deste ceoncello. O proxecto incorpora 1.176 elementos de todo tipo, desde bens arqueolóxicos a inmobles, pasando por recursos etnográficos e paisaxísticos/naturais. Ao mesmo tempo, a asociación cultural Os Penoucos, actualizou o seu mapa de patrimonio cultural do Baixo Ulla incorporando os recursos do concello de Catoira. Neste caso, trátase dunha iniciativa da sociedade civil, sen colaboración institucional.