A Área de Cultura, Patrimonio e Normalización Linguística da Deputación de Lugo anunciou que axiliza as axudas para entidades culturais en resposta á actual crise pola Covid-19. Os 638.000 euros xa previstos no orzamento comezarán a se tramitar nestes días para que 44 entidades e asociacións culturais poidan presentar as súas propostas. Segundo recolle a entidade provincial, estes fondos apoiarán actividades da Asociación de Gaiteiros Galegos, Lugo Patrimonio e Mariña Patrimonio, O Teixo de Piornedo, Amigos do Folión de Chantada ou a Asociación de Veciños María Castaña da Pobra de Brollón entre outras.
