A Real Academia Galega posporá o pleno extraordinario do DÃa das Letras Galegas, dedicado este ano a Ricardo Carballo Calero, e que estaba previsto celebrarse no Teatro Jofre de Ferrol este 17 de maio. A situación provocada pola pandemia da COVID-19 levou á entidade a tomar esta decisión e reaxendar o seu programa. A nova data será o 31 de outurbro, no mesmo lugar. Isto suporá o aprazamento e unha nova ubicación de moitos dos actos previstos para maio tanto desde as institucións como polas entidades, comezando polos da propia Academia, que serán realizados á volta do verán. A RAG sinala que con esta decisión tamén pretende "prolongar a celebración do Ano Carballo Calero ao longo do último cuadrimestre deste 2020, procurando minimizar o impacto desta situación de emerxencia na celebración da gran festa da cultura galega". A entidade segue chamando a que "o 17 de maio sexa igualmente unha gran celebración colectiva, e fai un chamamento a toda a cidadanÃa galega para que sexa asà valéndose das posibilidades do mundo dixital que tanto se están a aproveitar nestes tempos de obrigado afastamento social".
