A asociación Pontevedresa Galpón Lab súmase ás iniciativas para dar a coñecer o traballo de artistas do país a través das redes durante o período de confinamento. O vindeiro sábado 11 de abril desenvólvese a primeira xeira do Galpón Market, un programa que ás seis e media da tarde reunirá media ducia de creadoras e creadores emerxentes. A través dun directo de Instagram, os protagonistas do evento amosarán en que proxectos están metidos e como están a vivir esta temporada de illamento. O proxecto ten aberta a fase de inscrición para as persoas interesadas en dar a coñecer o seu traballo.
