Quico Cadaval no seu confinamento. Fotografía de Erregueté
No confín de... é o título da sección que estreaba o pasado 2 de abril o web Erregueté. Na mesma, e mediante unha serie de entrevistas breves, convídase a profesionais de diferentes ámbitos do sector escénico a contar como pasan o confinamento domiciliario pola crise do Coronavirus. María Roja, Belén Constenla, Fernando Epelde, Quico Cadaval e Nerea Brey son os primeiros protagonistas desta sección na que falan sobre as lecturas, músicas ou filmes cos que acompañan estes días.
De xeito similar, o Concello da Coruña puxo a andar A nosa arte en corentena, unha serie de vídeos nos que artistas locais falan sobre as súas obras e proxectos. Luisa Valdés, Pedro Bueno e Mico Rabuñas son os primeiros protagonistas desta iniciativa que se pode seguir polas redes sociais do departamento municipal de Cultura.
