Para alén da solicitude conxunta que está a desenvolver canda a outros colectivos profesionais do sector cultural galega, a Asociación Galega de Profesionais da Xestión Cultural publicou no seu web un documento no que recolle propostas concretas para paliar o efectos da crise do coronavirus no mundo da cultura. Deste xeito, co título Propostas de accións específicas dirixidas ao sector cultural polas consecuencias co COVID -19 a entidade propón unha serie de medidas, en parte coincidentes coas da Federación Estatal de Asociacións de Xestores Culturais. Entre as específicas para o noso país, a xestión cultural galega reclama a suspensión de cotas a autónomos e axudas para este profesionais, unha reorientación do programa Xacobeo, a baixada do IVE Cultural, facilitar anticipos nas subvencións e axudas públicas ou, de xeito xeral, garantir o dereito á cultura. O documento está dispoñible no web do colectivo.
