"Pasolini, un poeta na praia" mestura realidade e ficción dentro da obra e vida do propio poeta. A obra presentouse onte no Auditorio de Galicia dentro do programa Cineuropa, que este ano rinde homenaxe a esta figura rupturista da creación cinematográfica.
Estrea mundial
O documental foi producido por Canal + España e supón unha mestura de documental e ficción, co que rende unha homenaxe ó director e poeta italiano. Un mérito que se enmarca dentro dentro dos programas especiais que a área de cinema de Canal + realiza na honra de figuras cinematográficas destacadas. Logo da súa presentación onte en Santiago, Canal + emitirá hoxe o documental nun especial "A noite de Pasolini", que realiza a canle privada. O guión deste documental correu a cargo de Álvaro del Amo e foi dirixido por Pite Piñas e realizado por Jorge Ortiz de Landázuri.
Homenaxe a Pasolini
Esta homenaxe coincide co 25 aniversario da morte do cineasta, que tivo lugar na madrugada do 1 de novembro na praia de Ostia en Roma. Dentro da celebración do festival Cineuropa 2000 onte proxectouse o filme Teorema de Pier Paolo Pasolini. Deste xeito, Cineuropa pretende achegar un lado descoñecido da vida do cineasta ós que gustan da obra do artista italiano.
