Publican as conferencias e comunicacións do I Congreso Internacional do Teatro Galego

O I Congreso internacional do Teatro Galego celebrarase entre o 25 e o 28 de marzo na Cidade da Cultura, pero os seus organizadores xa subiron á web oficial dúas publicacións dixitais nas que se recollen tanto as conferencias centrais como as comunicacións presentadas. O obxectivo é fomentar o debate e que os asistentes poidan preparar previamente as sesións. As publicacións, que se poden descargar de balde, inclúen resumos, bibliografía e nalgúns casos textos completos das intervencións que virán.