O pleno do Concello de Rairiz de Veiga debate na mañá deste 6 de febreiro aceptar a cesión da casa do poeta Antón Tovar. A familia do autor comunicou a súa intención de traspasarlle á institución de xeito gratuÃto e por tempo indefinido o edificio para crear unha casa-museo dedicada ao mesmo. A corporación municipal xa anunciara hai anos a súa intención de pór en marcha este proxecto, e agora reclámalle á Xunta e á Deputación de Ourense o seu apoio a sinalar que non dispón de recursos abondos para o desenvolver pola súa conta. A intención é que estas entidades contribúan na reparación da casa e no seu acondicionamento para amosar unha colección de obxectos persoais do escritor.
