Unha campaña de crowdfunding busca fondos para amañar as pallozas dos Ancares

Logo de desenvolver en 2019 un primeiro cultivo de centeo e unha malla para conseguir material co que teitar as pallozas, o colectivo Teitos de Piornedo dá un novo paso na recuperación destas construcións tradicionais. Desta volta, a asociación lanzou un crowdfunding na plataforma Goteo co que aspiran a conseguir un total óptimo de 10.900 euros, logo de acadar en poucas horas o mínimo solicitado de 3.000.



Segundo explica o colectivo na presentación do proxecto, a intención é desenvolver unha área cultivada de 1,5 hectáreas, que pretenden ampliar lodo de 2021. En concreto, "as aportacións dos colaboradores serán para facer fronte aos gastos do peche con alambrada das tres parcelas sementadas de centeo", sinalan. Entre as recompensas que oferta a iniciativa están visitas guiadas pola zona, obradoiros sobre teitado, libros ou rutas. O prazo para colaborar nesta iniciativa está aberto ata o día 8 de marzo.