A Fundación Otero Pedrayo vén de convocar o Roteiro Nós pola cidade de Ourense para o sábado 8 de febreiro. Catro actores que representan a figuras destacadas da coñecida como Xeración Nós -Ramón Otero Pedrayo, Vicente Risco, Florentino López Cuevillas e Eladia Pedrayo- guiarán aos participantes a través do "ambiente, actividade e traballos dos protagonistas". O roteiro comezará ao carón do antigo edificio do Hotel Parque, onde mantivo a súa derradeira tertulia Vicente Risco, e percorrerá outros escenarios do casco vello ourensán. Será o sábado 8 de febreiro ás 19 horas, partindo do parque de San Lázaro, esquina coa rúa Santo Domingo. A participación é de balde pero é preciso inscribirse previamente con chamada ou mesaxe ó teléfono 988281139 da Fundación Otero Pedrayo. A asistencia está limitada a 50 persoas.
