A Terraza. Fotografía de Turismo de Galicia.
Case dous anos despois do comezo do expediente, o Consello da Xunta celebrado este 30 de xaneiro aprobou a declaración como Ben de Interese Cultural do edificio da Terraza, en Sada. Segundo adianta o goberno galego, o recoñecemento responde aos seus "valores culturais e representa un caso único de conservación entre os inmobles modernistas desta tipoloxía e función, de asueto e lecer, na Comunidade Autónoma".
O pavillón foi construído orixinalmente nos coruñeses Xardíns de Méndez Núñez en 1912 e chegou á súa localización actual en 1919, e supón un exemplo dos pavillóns ou quioscos modernistas típicos dos
anos 20. O seu novo status obrigará a que se facilite o acceso a visitantes un número mínimo de catro días ao mes durante, polo menos, catro horas ao día. A declaración entrará en vigor logo da súa publicación no DOG.
