Fachada dianteira da Terraza de Sada
A Terraza de Sada, coñecido edifico modernista que identifica esta vila coruñesa, pode ser declarado Ben de Interese Cultural. Segundo recolle La Opinión, a Xunta de Galicia iniciou os trámites previos para lle outorgar este recoñecemento, que se sumaría ao que xa ten como Monumento Histórico Artístico. O conxunto, construído en 1912 na Coruña, trasladouse á súa actual ubicación en 1920, e xa vira incoado un expediente para a súa declaración BIC en 1975 que non chegou a se completar. Deste entón víñanse sucedendo as voces que reclamaban a súa inclusión nos bens protexidos con esta figura.
