LGx15 completa a publicación na rede dos vídeos desta edición

A publicación da palestra Todo cambia, de Roberto Rivas, completará na tarde deste 30 de xaneiro a publicación dos vídeos da última edición do encontro LGx15. A Coordinadora de Traballadores/as de Normalización da Lingua comezou o pasado día 21 o lanzamento na rede das gravacións da xeira 2019 desta iniciativa para reflexionar sobre o futuro da lingua, que se desenvolveu no mes de novembro en Teo. Están xa dispoñibles na canle de Youtube de Lgx15 os vídeos coas intervencións de Alba Mancebo, Rosa Aneiros, Suso López, Alba Rodríguez Carreira, Xoana, Emilio del Río e Dhunae de Vir, ademais dun resumo da gala e dous temas de Os da Ría, que presentaron o evento.