A Federación de Cineclubes de Galicia e a Axencia Galega das Industrias Culturais (AGADIC) asinaron onte un convenio para desenvolver a programación de ciclos e semanas de cine dos cineclubes asociados, por un importe de 30.000 euros. O obxectivo é o "mantemento dunha programación estable e de calidade nos cineclubs galegos, ao tempo que se contribúe ao seu labor de difusión e de creación de públicos para o cinema". Serán arredor de 13 ciclos e oito semanas de cine que se complementarán con actividades paralelas como debates, obradoiros e exposicións.
