O pintor Leopoldo Nóvoa.
O Museo de Pontevedra conmemora o centenario do nacemento de Leopoldo Nóvoa (Salcedo, Pontevedra, 1919 - París, 2012) cunha importante mostra que reúne cincuenta obras da dilatada traxectoria creativa deste pintor, referente da arte abstracta na segunda metade do século XX. A mostra, comisariada por Rosario Sarmiento, céntrase na evolución dun artista que "viviu unha longa e fecunda existencia que o converteu nun personaxe cosmopolita e de vasta cultura". A exposición recolle os seus primeiros anos en Uruguai e Arxentina, a súa madurez creativa en París e as longas tempadas na Armenteira (Pontevedra), onde "descubrirá o valor plástico, simbólico e emocional das cinzas". A mostra poderase ver ata o 26 de abril.
Vídeo de presentación da mostra
