Do romanceiro tradicional ao bravú: xa dispoñibles as actas que reflexionan sobre as letras da música popular

Xa están dispoñibles para a súa descarga gratuíta as actas das XII Xornadas Literatura de Tradición oral que organizou a Asociación de Escritores en Lingua Galega en Lugo o 25 e 26 de outubro de 2019. Desta volta, a temática da xornada foi "Rimas e letras da música popular. Do romanceiro tradicional ao bravú". A publicación recolle as intervencións de José Luís Forneiro sobre o romanceiro tradicional e a cultura galega, unha intervención de Dorothé Schubarth sobre o romance tradicional e a relación entre texto e medlodía, unha conferencia de Xurxo Souto sobre "Novas formas da música popular. Da romaría á festa. Da movida ao bravú" e de Branca Villares sobre "A pegada da violencia contra as mulleres nas cantigas da montaña luguesa", entre outros contidos.