Galiza Cultura inicia a celebración do 'Ano Nós' cunha exposición

A Federación de Asociacións Galiza Cultura deu o primeiro paso para a celebración do centenario do primeiro número da revista Nós, a publicación ao redor da que se reuniron a xeración intelectual máis relevante da Galicia do século XX. Este mércores ás 17.30 inaugúrase no Museo do Pobo Galego a exposción "Nós de onte a hoxe: 100 anos de historia", que percorre a traxectoria dun grupo no que participaron Vicente Risco, Castelao, Ramón Otero Pedrayo, Ánxel Casal e outros. A exposición itinerará despois por outras localidades galegas.