Os versos dun avó, as melodías duns músicos: "O colo das palavras"

Antón Cortizas e a súa familia crearon os versos para o proxecto "O colo das palavras", un libro disco editado pola asociación Semente Trasancos que foron musicados por dezaseis músicos. Profesionais como Óscar Fojo, Joao Afonso, Cé Orquestra Pantasma, Xurxo Souto, Guadi Galego ou Tanxugueiras, entre moitos outros, dan música a poemas de Catarina, Rosalía, Antía e Antón Corizas. O libro contén os poemas e os cortes musicais. A Asociación Semente Trasancos promove unha escola para as primeiras idades con inmersión lingüística en galego.