LuÃs Seoane no Museo de Belas Artes da Coruña. O legado de Maruxa Seoane é o tÃtulo da exposición que abrÃa as súas portas este 28 de novembro na Cidade Herculina. A mostra recolle unha selección das obras do autor legadas ao museo por Maruxa, a súa viúva, e que percorren a traxectoria do artista desde os anos 50 ata pouco antes do seu falecemento, en 1979. O percorrido divÃdese en catro bloques temáticos dedicados respectivamente á muller galega, á natureza e á paisaxe; á guerra e á denuncia social e, finalmente aos mitos, tradicións e lendas.
O proxecto inclúe tamén un apartado introdutorio no que se amosan as distintas facetas profesionais do artista e se abordan as diferentes técnicas que empregou ao longo da súa traxectoria. A exposición foi impulsada pola Xunta a coincidir coa dedicatoria do DÃa das Artes Galegas a Seoane por parte da Real Academia de Belas Artes, e estará aberta ata o vindeiro 8 de marzo.
