Este 30 de novembro saen á venda as entradas para a sexta edición de Escenas do Cambio. O festival de inverno de teatro, danza e arte en acción da Cidade da Cultura desenvolverase entre o 31 de xaneiro e o 8 de febreiro de 2020 a achegar dez pezas, entre elas seis estreas. A nova xeira, que se incorpora á programación do Xacobeo 21, achegará montaxes comprometidas como Relay de Ula Sickle, a abordar a defensa dos dereitos das mulleres en Polonia, Samedi Détente sobre o xenocidio de Ruanda desde a visión de Dorothée Munyaneza ou o caso dun asasino real en Jerk, de Gisèle Vienne. A estas súmanse propostas como o Please, continue (Hamlet) de Roger Bernat, os contos de Tres vellas (polo menos) con Quico Cadaval, Guti e Celso Fernández Sanmartín ou a performance Caderno de vacacións de Los Bravú.
