O Museo do Pobo recoñecido como 'referente de país' polo Premio Fernández Latorre

O Museo do Pobo Galego, por medio do presidente da súa Xunta Rectora, Justo Beramendi, recolleu onte do Premio Fernández Latorre, outorgado pola Fundación Santiago Rey Fernández-Latorre. Segundo a acta do xurado constituído polos membro do padroado de dita fundación vencellada ao xornal La Voz de Galicia, "desde o seu nacemento en 1976, o Museo recolle e protexe o patrimonio histórico e antropolóxico que configura o sentir dos galegos como un pobo". O xurado valorou especialmente o compromiso do Museo do Pobo en promover a investigación, a conservación, a divulgación e a defensa da cultura material e inmaterial de Galicia. Ademais consideran ao MPG como "un referente de país con proxección de futuro". O galardón, ademais deste recoñecementos e valoracións, supón un premio en metálico de 10.000 euros.