A Coordinadora de Traballadores/as de Normalización da Lingua deu a coñecer o programa da que será a quinta xeira de LGx15. O encontro que procura "transmitir de maneira visual e entretida ideas, argumentos e propostas para influír nas actitudes e na conciencia lingüística" desenvolvarase o vindeiro sábado 9 de novembro no auditorio da Constante Liste, en Teo.
A escritora Rosa Aneiros, o produtor cinematográfico Suso López, a estudante Alba Rodríguez Carrera, a cantante Xoana, a xornalista Alba Mancebo, o dermatólogo Emilio del Río, a especialista en transmedia Dhaunae de Vir e mais o bombeiro e activista Roberto Rivas serán os encargados de achegar as súas reflexións sobre a lingua. Canda a eles, Os da Ría Íntimos achegarán a música e o humor ademais de conducir ao evento. Como é habitual, os vídeos coas charlas do evento publicaranse posteriormente nas redes.
