O Concello da Estrada deu a coñecer esta semana o fallo do XXIII Premio de Poesía Avelina Valladares. O galardón, dotado con 2.000 euros e a publicación da obra escolleita, foi para Ramón Sandoval polo poemario Nas esquinas do frío. O xurado destacou que a obra "aborda conceptos sociais contemporáneos desde unha cualitativa profundidade acompañada de frescura e baseamento poético. Os días non se fixeron para perdelos". Do mesmo xeito, o comité apuntou o ton pesimista dos poemas e a frescura dos versos como cualidades destacadas da obra. En total presentáronse ao certame unha vintena de obras.
Ana Cabaleiro, Rosalía Morlán, David Otero, Esteban Folgar e Dolores Araújo como secretaria foron os responsables da selección.
