Fariña estrea unha versión teatral

Fariña leva camiño de converterse nun dos proxectos de contido galego con máis características transmedia. De libro xornalístico pasou a serie de ficción e, agora, estrearase unha versión teatral os días 25 e 26 de outubro no Teatro Colón da Coruña. A obra, producida pola produtora de Xosé A. Touriñán, está dirixida por Tito Asorey e tamén se poderá ver en Carballo, Vigo, Pontevedra, Santiago, Narón, Lugo, Vilagarcía, Ourense e Cangas. A obra de teatro recrea as vidas de familias, narcotraficantes, policías e políticos corruptos, seguindo as liñas argumentais do libro de Nacho Carretero. Conta coun elenco no que están Xosé A. Touriñán, Marcos Pereiro, María Vázquez, Cris Iglesias ou Sergio Zearreta.