A Xunta de Galicia asinaba onte coa empresa cervexeira Hijos de Rivera o que é polo momento maior contrato de patrocinio dun Xacobeo. Polo mesmo, a firma achegará ao longo dos vindeiros tres anos 5,8 millóns de euros "a un amplo abano de iniciativas do ámbito cultural, entre elas festivais de música ou iniciativas das industrias culturais e creativas da Comunidade", segundo explica a Xunta. Polo acordo, Hijos de Rivera incorpórase ao programa de promoción nacional e internacional do Xacobeo 21 ao abeiro dos beneficios fiscais aprobados nos orzamentos do Estado para 2018.
