Fállanse os premios 'Mil primaveras' para poñer en valor a lingua

A Coordinadora de Traballadores/as de Normalización da Lingua (CTNL) puxo este ano en marcha os Premios Mil Primaveras para proxectos "de posta en valor e formento do galego". Nesta primeira convocatoria presentáronse 47 iniciativas nas seis categorías que establecen os premios. O xurado outorgou os premios aos seguintes proxectos: Modelo Burela (como proxecto estabilizado), Falemos de ti e min (como proxecto novo), Desafío 48 h (pola súa comunicación e impacto), Youtubeir@s (como proxecto máis innovador), Eu presumo de galego (como proxecto destinado á mocidade) e GCiencia (como proxecto dun ámbito sectorial).